1 डिसेंबर पासून महाराष्ट्रात पहिलीपासून शाळा सुरू होणार | Schools reopen from One December
पहिलीपासूनच्या शाळा सुरू:1 डिसेंबरपासून राज्यातील पहिली ते दहावी पर्यंतच्या शाळा सुरू होणार! राज्य मंत्रिमंडळाचा निर्णय
राज्यातील ग्रामीण भागातील इयत्ता पाचवी पासून व शहरी भागातील इयत्ता बारावी पर्यंतच्या शाळा सुरु होत्या. आता राज्यात येत्या 1 डिसेंबरपासून इयत्ता पहिली ते इयत्ता सातवी पर्यंतच्या शाळा सुरू होणार आहेत. महाराष्ट्र मंत्रिमंडळाने शाळा सुरू करण्याच्या प्रस्तावाला गुरुवारी हिरवा कंदिल दिला. पालकांच्या संमतीने राज्यात खासगी शाळा सुरू करण्यात आल्या होत्या. आता महापालिका आणि सर्व सरकारी शाळा देखील सुरू होणार आहेत. शाळा सुरू होत असल्या तरीही कोरोना नियमावलींचे विद्यार्थ्यांना पालन करावे लागणार आहे. याची संपूर्ण जबाबदारी आता शिक्षकांवर राहील.
देशभर कोरोनाचा प्रादुर्भाव वाढल्यानंतर राज्यातील शाळा सुद्धा बंद करण्यात आल्या होत्या. मात्र कोरोनाचा वेग मंदावत असताना शाळा सुरू करण्याचे निर्णय घेण्यात आले. परंतु, आतापर्यंत पहिली ते चौथीपर्यंतच्या विद्यार्थ्यांना केवळ ऑनलाइन क्लासची परवानगी होती.
आता मात्र, कोरोनाचा प्रादुर्भाव कमी झाला असल्यामुळे पहिल्या वर्गापासूनच शाळा सुरू करण्याचा निर्णय घेण्यात आला आहे. अर्थातच मंत्रिमंडळाच्या निर्णयानुसार, आता 1 डिसेंबरपासून पहिली ते दहावी पर्यंतच्या सर्वच वर्गांच्या शाळा सुरू होत आहेत. मंत्रिमंडळाच्या आरोग्य विभागासह चाईल्ड टास्क फोर्सने सुद्धा शाळा सुरू करण्याच्या प्रस्तावाला मान्यता दिली आहे.
1 डिसेंबर पासून महाराष्ट्रात पहिलीपासून शाळा सुरू होणार | Schools reopen from One December |
Please do not enter any spam link in the comment box.